سوق العمل / أسئلة إنترفيو شركة سبيد أحمد حسن وإجاباتها
أسئلة إنترفيو شركة سبيد أحمد حسن وإجاباتها
كلنا نعرف شركة سبيد أحمد حسن فهى من أضخم وأكبر الشركات المعروفه فهى توزع منتجات شركات بروكتور وجامبل ومن هذه المنتجات
آريال بجميع أنواعه
تايد بجميع أنواعه
بامبرز
الويز
بيرت بلس
بانتين
جيليت
لانج
داونى
بيرت بلس
بونكس بجميع أنواعه
وهنا فى هذا المقال سوف أعرض لكم الأسئلة التى تأتى فى الإنترفيو وإجاباتها النموذجيه حسب كل حاله من الحالات
أسئلة إنترفيو شركة سبيد أحمد حسن وإجاباتها
يتم عمل ثلاثة مقابلات أى ثلاثة مراحل للإنترفيو فى المرحلة الأولى
تملأ ورق طلب التقديم على الوظيفة حوالى عشرة ورقات منهم أربعة ورقات معلوماتك الشخصية و حوالى ستة ورقات أسئلة قدرات أى إختبار ذكاء مسائل حسابيه وغيرها لكن ليست صعبه إطلاقا
بعدها بحوالى نصف ساعة يأتى إليك أخصائي الموارد البشرية أو الإتش آر ويتناقش معك بعض الوقت وتكون الأسئلة عبارة عن سنك ومؤهلك وخبراتك ويخبرك عن نظام الشغل لو وظيفة مندوب مبيعات ويقول لك أنها وظيفة صعبه وأنك سوف تعمل تحت ضغط كبير ومن الممكن العمل لوقت طويل وأنه كل يوم فى العمل بيكون فيه إجتماع يوميا قبل أن تذهب للسوق بيكون الإجتماع حوالى الساعه الثامنه ونصف صباحا وينتهى فى التاسعه والربع
إقرأ أيضا : أسئلة إنترفيو وظيفة سيلز
وبالنسبه للمرتب بيكون ٢٨٠٠ جنيه + ١٠٠٠ جنيه عمولة ثابته أول ستة شهور إلى أن تتعلم وبعدها تزيد عمولتك لكن الصافى الإجمالى ٣٥٠٠ وليس ٣٨٠٠ حيث يقتص منك مبلغ ٣٠٠ جنيه للتأمينات الطبيه والإجتماعيه ويكون مؤمن عليك من أول يوم عمل وهذه أحسن ميزه
بعدها مباشرة لو وافق عليك بيكتب على ورقك accept وبيقولك هكلمك كمان كام يوم تيجى تعمل الإنترفيو التانى مع مدير المبيعات فى الشركه وبالفعل يا دوب عدى ٤ أيام وكلمنى قاللى الحضور غدا لعمل إنترفيو مع مدير المبيعات
إقرأ أيضا : كيف تنجح فى الإنترفيو
المرحلة الثانية أسئلة إنترفيو مدير المبيعات يسألك مدير المبيعات بعض الأسئلة وهى كالتالى
• عندك كام سنه ومؤهلك إيه وساكن فين
طبعا بتقولى على معلوماتك الشخصيه ودى مش عايزه تفكير
• كنت شغال فين قبل كده قولى على الأماكن والشركات اللى كنت فيها
الإجابه هنا لازم تذكر له شغل يكون ليه علاقه بالوظيفه إللى هتشتغلها عندهم يعنى لو جاى تقدم عندهم فى وظيفة مندوب مبيعات يبقى تقوله مثلا كنت مندوب أو مسئول مبيعات فى شركة كذا .. علشان يعرف إن إنت عندك خبره بالمجال مش جاى لسه هتتعلم وده بيفرق معاهم كتير
• ليه تركت الشغل السابق إيه السبب
هنا إوعى تذم أو تغلط فى الشركه التى كنت تعمل بها ولكن ممكن بحكمه تقوله مثلا ما كانش فيها تأمينات وأنا محتاج شغل فيه تأمينات صحيه وإجتماعيه علشان أبقى مطمئن
إقرأ أيضا : أسئلة الإنترفيو وإجاباتها بالتفصيل
• كنت بتاخد كام فى الشركه دى
لو تفتكر من شويه قولتلك إن الإتش آر قالك مرتبك هيبقى ٣٨٠٠ فما ينفعش تقول كان مرتبك مثلا ١٥٠٠ هيتعالوا عليك ويفكروا نفسهم فرصه بالنسبالك ولكن قول مثلا كنت باخد ثابت ٢٥٠٠ والعموله حسب بيعى وإجتهادى ساعات كانت بتوصل من ٣٠٠٠ ل ٥٠٠٠ يعنى بحيث يعرف إنك كنت بتتحصل على مبالغ عاليه وإن الشركه دى مش فرصه ما حصلتش يعنى
• ليه عايز تشتغل فى شركتنا بالذات
هتقوله فيها إستقرار وأنا عايز أبقى مستقر لأنها فيها تأمينات وممكن أحصل على ترقيات ولما بجتهد بالاقى مقابل يحفزنى ودى شركة كبيره ولها إسمها وسمعتها
• شايف نفسك فين بعد خمس سنين ههههه
السؤال ده من ساعت ما وعيت على الدنيا وكل ما أروح شركة يسألوه
هتقوله أنا شايف إنى لما اجتهد إن شاء الله ممكن أترقى وأبقى ف منصب عالى وده إللى عايز أوصله وساعتها مرتبى هيزيد ومكانتها هتبقى عاليه أنا حاطط لنفسى الخطه دى
إقرأ أيضا : ماذا تفعل بعد التخرج من الجامعه
• هيرسملك ثلاثة رسومات أو رسمتين مثلث ودائره مثلا وساعات مثلث ومربع ودائره ويقولك إزاى ندخل المثلث ده جوه الدائره والعكس إزاى نحط الدائره دى جوه المثلث
طبعا سؤال غريب وأنا عن نفسى حسيت إنه تافه جدا بس قولت يمكن بيشوف تفكيرى هيبقى إزاى
قولتله المثلث عشان نخليه جوه الدايره هنرسم عليه من بره الدايره والعكس لو المثلث هنرسمه على الدايره من بره
• قاللى طب إزاى نخرج بقى الدايره من المثلث
قولتله هنشيل ضلع من ضلوع المثلث ونطلع منه الدايره وياحبذا الضلع الصغير عشان يكون بأقل تكلفه وبعدها نقفل المثلث تانى
• أذكر ثلاث أشياء تجعلك تستمر فى الشركه وتحبها
هتقوله إن أهم شىء المصداقيه يعنى زى ما إتفقتوا معايا كده على المرتب كذا آخده فعلا وأدخل ف التأمينات من أول يوم ولما أتعب ألاقى مقابل تعبى عشان تحفزونى وبحب روح التعاون والعمل الجماعى وإنى ألاقى ناس بتساعد بعض
إقرأ أيضا : كيف أحصل على وظيفة
• إذكر ثلاث أشياء تجعلك تترك الشركه وتنفر منها
هتقوله عندما أخطىء فى شىء لأول مره يمر عليا أو موقف معين وأنت لم تشرحه لى من قبل وعندما أخطىء تقسو عليا فى العقاب فأنا لم أسمع منك شرح له من قبل
وأن أتعب ولا أجد مقابل لعملى وأشعر أنى أتعب على الفاضى
• متوقع إنك تشتغل كام ساعه أو ممكن تعطينا كام ساعة عمل
هتقوله لحد ٨ ساعات مثلا ممكن اشتغل هيقولك بس إحنا ساعات بنشتغل حوالى ١٢ ساعه عند ضغط الشغل هتقوله عادى طالما يوجد مهام لم تكتمل فسأستمر فى عملى إلى أن أنجزها وبعدها أذهب فشغل المندوب ليس له موعد للمغادره
• سمعت عن شركتنا فين
هتقوله من الفيسبوك أو عن طريق صديق أو أحد الأقارب أو عن طريق موقع للوظائف حسب ما أنت فعلا سمعت
• هيعطيك مسأله حسابيه مثلا لو صاحبك معاه ٨٠ جنيه وهيعطيك ٣٠٪ منهم يبقى هيعطيك كام
طبعا مسأله تافهه هتضرب ال ٨٠ × ٣٠÷١٠٠= ٢٤ جنيه سهله
هنا نأتى لآخر إنترفيو مع مدير الشركة عامة
هتقابله وهتعرفه بنفسك وهيقعد يتكلم معاك فى تاريخ الشركه وإزاى وصلت للمستوى ده ومنتجاتها إيه وهيأكد عليك فى موضوع الأمانه وهيحفزك إنك تجتهد وهيتناقش معاك علشان يشوف طريقة كلامك وأسلوبك ولباقتك فى الكلام وهيسألك كام سؤال كده وهما
• مين اللى قالك على الشركة وإننا محتاجين ناس
- هتقوله صديقك أو من على النت شوف عرفت منين وقوله
• قوللى ٣ ميزات فيك تخلينى أقبلك وتشتغل معانا
- هتقوله مجتهد وطموح وعندى سرعة إستيعاب
• لو معاك علبة سجاير فاضيه قوللى ١٠ إستخدامات ليها
- هتقوله دى إستخداماتها هتكون زى حافظه كده للأشياء الصغيرة اللى ممكن تضيع لو وضعتها فى جيبى زى الفلوس الفضه كارتة ميمورى خط تليفون ..
إقرأ أيضا : إيميلات جميع الشركات العملاقه لإرسال سيرتك الذاتية لها
بس كده هى دى الأسئلة كلها واللى الإنترفيو إن شاء الله مش هيخرج منها وهى أسئلة بسيطه غير معقده
هنا أتينا لنهاية المقال ونصيحتى لك عزيزى طالب العمل، قبل أن تذهب لإجراء إنترفيو أى شركة لازم تعرف معلومات عنها قبل ما تروح علشان لما يسألك ويلاقيك بترد عليه وفاهم ومهتم هتعجبه النقطه دى وهيبقى فيه قبول من ناحيتك
إعرف مجال الشركه إيه ومنتجاتها وبتقدم خدمات إيه وصاحبها مين وفروعها فين وكل حاجه عنها صدقنى بتفرق معاك كتير فى الإنترفيو وبالتوفيق للجميع
