سوق العمل / أسئلة إنترفيو وظيفة سيلز
أسئلة إنترفيو وظيفة سيلز
تكلمنا مسبقا عن أسئلة الإنترفيو عامة ولم نحدد لأى وظيفه، ولكن أسئلة إنترفيو السيلز تختلف أسئلتها كثيرا عن المعتاد، حيث يوجد الكثير من الأسئله التى يسألك فيها ال Hr الخاص بالشركه وانت تخفق فيها .
وفى هذا المقال سوف نعرض عليك أسئله شامله لأنترفيو سيلز لا يخرج منها الإنترفيو وهى ثابته لا تتغير ومنذ فتره طويله لا يتغير فيها شىء، ولكن تختلف طريقة ال Hr الذى يسألك إن كان صريحا وسلس أو يسأل بطريقه مستفزه أو فظ فى أسلوبه .
وهذه الأسئله كالآتى
أسئلة إنترفيو وظيفة سيلز
السؤال الأول
يعنى إيه سيلز
- هتقوله هى مهنة بيع منتج أو خدمه معينه تنتجها الشركه عن طريق عرضها على القطاعات أو الفئات المحتملة شراؤها
السؤال الثانى
تقدر تقولى إيه الفرق بين التلى سيلز والسيلز
- هتقوله السيلز هو الشخص الذى يبيع منتج أو خدمه معينه من خلال عرضها على القطاعات المحتملة شراؤها .
- التلى سيلز هو البيع عن طريق التليفون عن طريق عرض المنتج للعميل فى التليفون من خلال عرض المميزات والفوائد
السؤال الثالث
إيه الفرق بين السيلز والماركيتينج
- السيلز ذكرناه سابقا فى الأعلى
- الماركيتينج يعنى التسويق وهو مهنة إبتكار خطط للمنتج من أجل بيعه والماركيتينج هو الأهم من حيث عملية البيع وزيادتها لأنه هو الذى يبنى الأساس لبيع المنتج .
السؤال الرابع
ما هو الفرق بين السيلز إن دوور والسيلز آوت دوور
- السيلز إن دور هو مهنة بيع المنتج داخل مقر ثابت للشركه حيث يعرض المنتج داخل المقر للعملاء .
- السيلز آوت دوور هو مهنة بيع المنتج خارج الشركه أى من خلال الشارع حيث يعرض على القطاعات المناسبه والفئات المحتمله .
السؤال الخامس
ما هو الفرق بين الماركيتينج والتلى ماركيتينج
- الماركيتينج تم الإجابه عليه .
- التلى ماركيتينج هو التسويق للمنتج من خلال التليفون حيث هدفه الأساسى هو بيع المنتج تليفونيا من خلال عرض مميزاته .
السؤال السادس
متى تبدأ يومك ؟
- هذا السؤال غرضه معرفة إن كنت تستيقظ مبكرا ونشيط أم متأخرا وكسول .
السؤال السابع
ما هو أكبر مبلغ مالى حصلته من العملاء
- هو عايز يعرف هنا إن كنت تستطيع أن تحمل مبلغ مالى كبير للشركه وألا مش أد المسئوليه .
هتقوله طالما إشتغلت فى الشركه وتحملت مسئولية البيع بيها هقدر أتحمل مسئولية تحصيل مبالغ ضخمه من العملاء فهذا الأمر سهل، وطالما أنا كفء فى عملى ونشيط وحريص فسوف أستطيع ذلك .
السؤال الثامن
بيعلى التليفون ده أو الكرسى ده أو أى منتج
- طبعا هتقوله مزايا المنتج كلها وهترفع صوتك فى بعض الأحيان لكى تلفت إنتباهه ولا يسرح منك ليشعر بقيمة المنتج وبعد ما تقول على مزاياه المتعدده هتقوله وكل ده بقى ب كذا بس ( هتقول السعر ) .
السؤال التاسع
تقدر تشتغل كام ساعه
- طبعا وزى ما كلنا عارفين إن التسويق لا يرتبط بعدد ساعات معينه، فهتقوله إنك غير مرتبط بعدد ساعات معينه حيث أننى أعمل إلى أن أنهى المهام المطلوبه منى فممكن أن تطول الفتره أكثر من الوقت المتعارف عليها .
السؤال العاشر
لو زميلك فى العمل بيكذب كتير وبيقول إنه نزل إشتغل وقابل عملاء وهو راح مشوار خاص بيه أو راح على البيت هتعمل إيه ؟!
- هتقوله هتصحه وهكلمه أكتر من مره وهقوله لو كررتها هبلغ المدير لأن كده فلوسك هتبقى حرام إنت ما اشتغلتش بيها وهتعطل شغلنا ولو ما توقفش عن كده هبلغ مديرى فعلا
السؤال الحادى عشر
إزاى تقنعنى إن شرب الماء مضر
- طبعا هو بيقولك كده عشان يعرف إن إنت هتكون مقنع فى توصيل الفكره للعميل حتى لو كنت مش بتحب المنتج وألا مش هتقدر تقنعه الخلاصه هو مثل إختبار القدرات .
السؤال الثانى عشر
لو ذهبت لتاجر وقالك المنتج بتاعكم مش مفيد وفاشل
- هتقوله ليه هو إنت جربته قبل كده .
- طب إيه الإنتقادات والمشاكل اللى قابلتك فى المنتج
عشان أقدر أحلهالك، لأن أهم حاجه عندنا رأى العميل وراحته النفسيه للمنتج وكلما كان العميل راضى عن المنتج هيكون التاجر كمان راضى وكلنا هنكسب ف الآخر .
وهتقوله إحنا بنعرف عيوب ومشاكل منتجنا عشان نطور ونحسن منه ونخرجه بصوره أفضل .
